കുറവിലങ്ങാട്: സീറോമലബാർ സഭാ ശക്തീകരണമെന്നാൽ അക്ഷരാർഥത്തിൽ രാഷ്ട്രനിർമിതിയാണെന്ന് ബിഷപ് മാർ ജോസഫ് കല്ലറങ്ങാട്ട്. കുറവിലങ്ങാട് ഫൊറോനതല സമുദായ ശക്തീകരണ സമ്മേളനത്തിൽ അധ്യക്ഷത വഹിച്ച് സന്ദേശം നൽകുകയായിരുന്നു മാർ കല്ലറങ്ങാട്ട്.
മാർത്തോമ്മാ നസ്രാണിസഭയ്ക്ക് അതുല്യസംഭാവനകൾ നൽകാൻ കുറവിലങ്ങാടിനു കഴിഞ്ഞിട്ടുണ്ടെന്നും മാർ ജോസഫ് കല്ലറങ്ങാട്ട് പറഞ്ഞു.
പാലാ രൂപതാ വികാരി ജനറാൾ മോൺ. ഡോ. സെബാസ്റ്റ്യൻ വേത്താനത്ത്, ആർച്ച്പ്രീസ്റ്റ് റവ.ഡോ. തോമസ് മേനാച്ചേരി, പാലാ രൂപത വിശ്വാസപരിശീലനകേന്ദ്രത്തിന്റെയും എകെസിസിയുടെയും ഡയറക്ടർ റവ.ഡോ. ജോർജ് വർഗീസ് ഞാറക്കുന്നേൽ, പാസ്റ്ററൽ കൗൺസിൽ ചെയർമാൻ ഡോ. വി.പി. ദേവസ്യ, മാതൃവേദി ഗ്ലോബൽ സെക്രട്ടറി സിജി ലൂക്ക്സൺ പടന്നമാക്കീൽ, ഇടവക കുടുംബക്കൂട്ടായ്മാ ജനറൽ ലീഡർ ബോബിച്ചൻ നിധീരി എന്നിവർ പ്രസംഗിച്ചു. ഇടവക സോൺ സെക്രട്ടറി സ്മിത ഷിജു പുതിയിടം സമുദായ ഐക്യപ്രതിജ്ഞ ചൊല്ലിക്കൊടുത്തു.
പാലാ രൂപത മുഖ്യ വികാരി ജനറാൾ മോൺ. ഡോ. ജോസഫ് തടത്തിൽ, വികാരി ജനറാൾ മോൺ. ഡോ. സെബാസ്റ്റ്യൻ വേത്താനത്ത്, പാസ്റ്ററൽ കൗൺസിൽ സെക്രട്ടറി സിജി ആന്റണി തെക്കേടത്ത് എന്നിവർ പങ്കെടുത്തു.
സമ്മേളനത്തിന്റെ ഭാഗമായി സംസ്ഥാനത്തിന്റെ വിവിധ ഭാഗങ്ങളിൽനിന്നുള്ള പ്രതിനിധികൾ പങ്കെടുത്ത സെമിനാറും നടത്തി. സീറോമലബാർ സഭാ പബ്ലിക്് അഫയേഴ്സ് കമ്മീഷൻ സെക്രട്ടറി ഫാ. ജയിംസ് കൊക്കാവയലിൽ, വാഴ്ത്തപ്പെട്ട കുഞ്ഞച്ചൻ നാമകരണ നടപടികളുടെ വൈസ് പോസ്റ്റുലേറ്റർ റവ.ഡോ. ജയിംസ് പുലിയുറുമ്പിൽ, അമൽ സിറിയക് ജോസ് എന്നിവർ പ്രബന്ധങ്ങൾ അവതരിപ്പിച്ചു.
Deepika
E-paper LOGIN
LOGIN
